کٹی کمیٹی کو دھوکہ دینے والے میاں بیوی گرفتار

وکاس نگر۔ کٹی کمیٹی کے نام پر لاکھوں کا جھانسہ دینے والے ملزم میاں بیوی کو پولیس نے گرفتار کر لیا۔ پولیس نے ملزمان کو عدالت میں پیش کرکے جیل بھیج دیا۔ کوتوالی علاقہ کے تحت انوپ آریہ کے بیٹے راجبل آریہ اور اس کی بیوی نیلم آریہ پر کٹی کمیٹی کے نام پر چار لاکھ روپے ہتھیانے کا الزام تھا۔ جولائی میں اس معاملے میں ٹیچر کالونی سہس پور کے رہنے والے ایک شخص سدھارتھ شرما ولد کے ایس شرما نے شوہر اور بیوی کے خلاف کوتوالی میں دھوکہ دہی سمیت مختلف مجرمانہ دفعات کے تحت مقدمہ درج کرایا تھا۔ مقدمہ درج ہونے کے بعد میاں بیوی گھر سے فرار ہو گئے۔ کوتوال نے ملزمان کی گرفتاری کے لیے ٹیم تشکیل دی تھی۔ مخبر کی اطلاع پر ٹیم نے ملزم میاں بیوی کو آئی ایس بی ٹی دہرادون سے گرفتار کر لیا۔ کوتوال پردیپ سنگھ بشت نے بتایا کہ دونوں ملزمان کو عدالت میں پیش کرنے کے بعد جیل بھیج دیا گیا ہے۔ پولیس ٹیم میں مارکیٹ چوکی انچارج وویک بھنڈاری، کانسٹیبل رجنی اور ترپن سنگھ شامل تھے۔